اینیمل‘ میں بوبی دیول کی اہلیہ کا کردار نبھانے والی اداکارہ کا پاکستان سے تعلق؟

 فلم "اینیمل" جس میں بابی ڈیول اور رنبیر کپور ہیں، پاکستان اور انڈیا میں دونوں میں توجہ حاصل کر رہی ہے اور شائقین کے درمیان اس کی کہانی کو ستائش بھی مل رہی ہے۔ البتہ، کچھ لوگ اس پر تنقید بھی ظاہر کر رہے ہیں۔

مین سٹریم میڈیا اور سوشل میڈیا پر 'اینیمل' میں کام کرنے والی اداکارہ شفینا شاہ کے بھی بہت چرچے ہیں جنہوں نے فلم میں بابی ڈیول کی دوسری بیوی کا کردار نبھایا ہے۔

شفینا شاہ انگلینڈ میں پیدا ہوئیں لیکن ان کی والدہ عطیہ شاہ کا تعلق پاکستان کے صوبے خیبر پختونخوا کے علاقے کوہاٹ سے ہے۔ انڈین میڈیا کو دیے گئے ایک انٹرویو کے دوران شفینا شاہ نے تصدیق کی ہے کہ وہ لندن میں پیدا ہوئیں لیکن ان کی والدہ پشتون ہیں جن کا تعلق پاکستان کے علاقے کوہاٹ سے ہے۔

اُن کا مزید کہنا تھا کہ اُن کی والدہ بعد میں انگلینڈ منتقل ہوئی تھیں جہاں انہوں نے حاجی اسماعیل راج محمد پٹیل سے شادی کی۔ شفینا شاہ کے والد حاجی اسماعیل راج محمد پٹیل کا تعلق انڈیا سے تھا اور انہیں شوبز انڈسٹری میں 'راج پٹیل' کے نام سے جانا جاتا تھا۔

فلم 'اینیمل' میں کام کرنے والی اداکارہ کا مزید کہنا تھا کہ 'میرے والدین اداکار تھے اور انہیں انڈسٹری نے ہی مِلوایا۔' شفینا بھی اپنے والدین کے نقشِ قدم پر چلتے ہوئے شوبر انڈسٹری میں قدم رکھا جہاں وہ گذشتہ کئی برسوں سے بطور اداکارہ، ماڈل اور ٹی وی میزبان کام کر رہی ہیں

شفینا شاہ نے 'اینیمل' کے علاوہ ایک پاکستانی شارٹ فلم 'لاہور ٹو لندن' میں بھی کام کیا ہے اور وہ شاہ رخ خان کے ساتھ ایک اشتہار میں بھی نظر آئی ہیں۔