پاکستان کے دارالحکومت اسلام آباد میں موبائل انٹرنیٹ کی رفتار سست ہونے کی شکایت ہے لیکن پاکستان ٹیلی کمیونیکیشن اتھارٹی (پی ٹی اے) کا کہنا ہے کہ پاکستان کے موبائل انٹرنیٹ کی رفتار بھارت اور دیگر ممالک کے مقابلے زیادہ ہے۔ پی ٹی اے کی ایک رپورٹ کے مطابق، پاکستان جنوبی ایشیائی ممالک میں موبائل براڈ بینڈ کی رفتار کے لحاظ سے دوسرے نمبر پر ہے، جس کی ڈاؤن لوڈ کی اوسط رفتار 20.84 میگا بائٹس فی سیکنڈ ہے۔ سری لنکا 20.90 میگا بائٹس فی سیکنڈ کی اوسط ڈاؤن لوڈ کی رفتار کے ساتھ پہلے نمبر پر ہے، جب کہ نیپال 20.60 میگا بائٹس فی سیکنڈ کی اوسط ڈاؤن لوڈ کی رفتار کے ساتھ تیسرے نمبر پر ہے اور ہندوستان 19.57 میگا بائٹس فی سیکنڈ کی اوسط ڈاؤن لوڈ کی رفتار کے ساتھ چوتھے نمبر پر ہے۔
0 Comments